Hárgreiðsluleikur, sól, fjallganga og fleira

Í júní og fyrri hluta júlí var glampandi sól alla daga og mikið verið að leika sér úti. Notarlegt að sitja á teppi með dótið sitt (hún HR og við fullorðna fengum að vera með) og nesti.

HR var dugleg í göngutúrum með pabba sínum. Hætti að taka blund yfir daginn, en labbaði þeim mun meira á leiðinni. Skoðaði vel gervigrasvöllinn og prufaði hvernig það væri að vera leikmaður/þjálfari - ekki ákveðið enn.

HR var heilmikið að uppgötva hárgreiðslu-hitt-og-þetta þessa dagana. Leyfir orðið að setja teygjur og spennur í hárið. Ef hún velur sjálf, þá eru helst 10 teygjur og 10 spennur. Einnig finnst henni gaman að greiða mömmu sinni og systur.

Feðgarnir skelltu sér síðan upp á Helgafellið og nutu útsýnisins eftir stutta, en skemmtilega, göngu á toppinn.

20090816

Sumarkveðja, Hlíðarás-álfarnir.